အမေဆိုတဲ့ ဝေါဟာရကို ကျွန်တော် သိကျွမ်းခဲ့တာကြာပါပြီ။ သိတက်စအရွယ်ကတည်းက ဆိုပါတော့။ ဒါပေမယ့် အဲဒီဝေါဟာရ
ရဲ့  အနက်က အလွန်နက်တယ်ဆိုတာကို ကျွန်တော်သိတာ မကြာသေးပါဘူး ။ ကျွန်တော့ အပေါင်းအသင်းတွေကတော့ သူ့တို့
ရဲ့ အမေက အမြဲတမ်း နားပူလိမ့်ရှိတယ်လို့ ပြောဘူးတယ်။ ကျွန်တော့်ရဲ့  အမေကလည်း ဒီအတိုင်းပါဘဲ ။ ကျွန်တော်အိမ်ပြန်သွား
လို့ အိမ်ပေါက်ကိုတောင်မရောက်သေးဘူး ၊ အမေ့ရဲ့  အော်ဟစ်နေတဲ့အသံကိုကြားနေရတယ်။ ( အက်ဆစ်ရဲ့ သီချင်းစာသားလေး
ကိုတောင် သတိရတယ် “ ငါ့အမေရဲ့  ရပ်(စ်) သီချင်းသံလား ” ) ။ ဟား . . . ဟား . . . ဟုတ်တယ်ဗျ။ လူတွေက အသက်ကြီးလားရင် နားတော်တော်ပူတယ်၊ ကဂျီကကြောင်များတယ်။ ကျွန်တော့်ကိုတွေ့တာနဲ့ အမေက ပြောစရာရှိတာတွေကို တရစပ် ( စစ်သေနတ်နဲ့ ပစ်သလို ) ပြောတော့တာဘဲဗျာ။ နားတောင် မီးခိုးတွေထွက်တယ်။ တခါက အမေခရီးသွားနေရလို့ အိမ်မှာ အမေ မရှိတဲ့အချိန် ကျွန်တော် အိမ်ပြန်ရောက်တော့ အိမ်က တိတ်ဆိတ်နေတယ် ။ တခုခု လိုနေသလို ခံစားရတယ်။ ပုံမှန်ဆိုရင် အမေရဲ့  အော်သံတွေပြောသံတွေ ကြားရတယ်။ အမေရှိတုန်းကတော့ အဲဒီအသံတွေက တော်တော်နားပူတာဗျ။ အမေ ခရီးသွားနေလို့ အိမ်မှာ မရှိတဲ့အချိန်ကျတော့ ဒီအသံလေးတွေ နွေးထွေးမှု ၊ ချစ်ခင်မှုတွေ ဆိုတာကို နားလည်လာတယ်။ အော် . . . ဒါတောင် အမေက ခရီးသွားနေရလို့ မရှိတာ ။ အမေ မရှိကျတဲ့ လူတွေအတွက် ကျွန်တော် တော်တော်လေး ကိုယ်ချင်းစာပါတယ်။ သူတို့မှာ ချွဲဖို့ ၊ နွဲ့ဖို့ ၊ အကြင်နာတွေ ပေးတက်တဲ့ မိခင်မရှိရှာဘူးဆိုတော့လေ . . .။ ဒီတော့မှ ကျွန်တော်လည်း အမေ ရဲ့  တန်ဖိုးကိုနားလည်လာတယ် ။ “ အမေ”ဆိုတဲ့ ဝေါဟာရ ရဲ့  အနက်ကို သိလာတယ်။ ကျေးဇူးကြီးမားလှပါတယ် အမေ . . .။
ဒီပုံက ကျွန်တော် ငယ်ငယ်တုန်းက အမေနဲ့ ခရီးသွားတုန်းက ရိုက်ခဲ့တဲ့ပုံလေးပါ
No comments:
Post a Comment